I ndjeri Festim Lato, ish Kryeministër i së Çamërisë dhe z. Ali Aliu, President i saj
Shkrim autorial i Presidentit të Republikës së Çamërisë, z. Ali Aliu
Më 30 tetor 2021
I dashur popull i Çamërisë dhe i Arvanitëve !
Të dashur shqiptarë të Epirit e gjithandej Shqipërisë!
Me 30 tetor mbushen 5 vjet të Shpalljes së Çamerisë Republikë. Pesë vjet në aspektin kohor historik nuk janë shumë, por, e rëndësishmja e këtij akti është se me 30 tetor 2016, Nismëtarët e Pavarësisë së Çamërisë me në krye Festim Laton, bëmë një kthesë të rëndësishme, krijuam një udhë dhe një adresë për zgjidhjen e Çështjes së Çamërisë. Liria dhe Pavarësia e Çamërisë si akti më sublime i Atdheut tonë, nuk njeh zëvëndësim për tokat e pushtuara nga fqinjët.
Si sot më kujtohet e ajo pasdite e 30 tetorit 2016, ditë e diele, ora 14 në Hotelin Ambasador në Hagë, shkrimtari Atdhe Geci, I propozuar nga Kuvendi Gjithëpërfshirës Çam dhe Arvanitë, shpalli Çamërinë Republikë, ndërsa Festim Lato, organizator dhe financues I shpalles së Pavarësisë së Çamërisë, në cilësinë e Kryeministrit të Republikës së Çamërisë, lexoi tekstin e Deklaratës së Pavarësisë. Ajo ditë për Nismëtarët ishte e një rëndësie historike.
Të dashur çamë dhe arvanitë!
Të tëra betejat dhe luftërat e së kaluarës na kanë mësuar se Liria dhe Pavarësia nuk lypen, po fitohen! Firmëtarët që firmosëm Pavarësinë e Çamërisë dhe shkëputjen e saj nga Greqia nuk ishim pak, rreth 6o firmëtarë nga të gjitha viset dhe krahinat e atdheut tone. Shqipëria, por, as Atdheu ynë nuk e kanë atë luks që të heqin dorë nga Çamëria, Shqipëri denbabaden.
Republika e Çamërisë nuk është as e madhe as e vogël, por ka një shtrirje 23 mijë e 500 qind kilometra katrorë sipërfaqe tokë, liqene dhe det. Çamëria me një popullsi rreth 4 milion banorë po nuk u arritë një Marrëveshje, është shqetësim I paqes në Ballkan dhe më gjerë. Republika e Çamërisë sot e në të gjithë kohërat do të kërkon nga Evropa, nga ata që e shpifën Greqinë, që ata ta vëjnë gurin në vendin e vet. Epiri pellazgo shqiptar, Çamëria është popull etnik në të gjithë Greqinë. Nëse italianët ia dhanë Danten botës, shqiptarët e kemi Iliadën dhe Odesenë e Homerit për t´ia ofruar botës.
Lëvizja Kombëtare për Pavarësinë e Çamërisë u thashë në tubim, i di detyrat e saj, Kjo Lëvizje Kombëtare ka shansin historik për ta ndërkombëtarizuar dhe konkretizuar vullnetin e popullit çam dhe arvanit. Realizimi i Republikës së Çamërisë brenda Greqisë gjenocidiste është i ndërlikuar, por jo i pamundur. Pavarësia e Republikës së Çamërisë u kam thënë në çdo takim bashkëbisedim me veprimtarë, se Pavarësia e Çamërisë nuk na vjen me post as me heshtje, por, me organizim gjithëkombëtar.
Koha në të cilën ndodhemi na bën shumë përgjegjës ndaj të gjithë sfidave dhe përpjekjeve tona për të realizuar Pavarësinë e Çamërisë të shpallur me 30 tetor 2016 në Hagë të Holandës, na bën përgjegjës në tërë shtrirjen e saj, që nga Korfuzi e Janina e deri në Prevezë, Pargë e ishujt Jonian.
Në këtë etapë të zhvillimeve politike në Ballkan e më gjerë rreth Çamërisë e për Çamërinë, ky do të ishte dokumenti strategjik dhe programi politik për Çlirimin e Çamërisë nga prangat e Shtetit të Greqisë:
2 . Legalizimi i gjuhës shqipe në tërë Greqinë si gjuhë zyrtare.
3 . Hapjen e shkollave shqipe dhe kthimi i çamëve në pronat e tyre,
4 . Lejimi i flamurit kombëtar të Çamërisë në tërë teritorin e saj e në More.
5 . Lejimi i festave kombëtare.
6. Marrëdhëniet kulturore të Çamërisë me pjesët e tjera të atdheut.
7. Njohja e Gjenocidit të bërë të shtetit të Greqisë ndaj popullsisë çame në vitet 1912 – 1945 e këtej dhe dëmshpërblimi.
8 . Njohja e teritorit të Çamërisë nga Greqia prej 23 mijë e 5 qind kolometrave katrorë sipërfaqe tokë, det dhe ujëra.
9 . Rikthimi i 2 milion çamëve të dëbuar nga tokat e tyre stërgjyshore.
10 . Dëmshpërblimi për pronën dhe për viktimat e gjenocidit ndaj popullsisë çame që nga viti 1912- 1945 e këtej, si dhe dëmshpërblimin për pushtimin dhe shfrytëzimin e pasurive të Çamërisë.
11 . Njohja e Republikës së Çamërisë nga Republika e Greqisë.
Pra, këto janë 11 pika të Qeverisë të Republikës së Çamërisë dhe të Lëvizjes Kombëtare për Pavarësinë e Çamërisë që Çamërinë e bëjnë mëvete dhe të pandashme nga Shqipëria dhe Atdheu ynë. Vetëm në këtë mënyrë mund të ndërtohet paqja e fqinjësisë së mirë midis Republikës së Çamërisë, dhe Republikës së Greqisë.
Rroftë Republika e Çamërisë!
Rroftë Republika e Iliridës!
Rroftë Republika e Kosovës!
Rroftë Republika e Shqipërisë
Presidenti i Republikës së Çamërisë,
Ali Aliu – Dortmund, 30 tetor, 2021
E postoi, Atdhe Geci – Dortmund, Gjermani, 2021
