Lirim Gashi, Prishtinë
***
Që të mos keni dilema:
Me gjithë kritikat e sakta, provokuese, shokuese, terapeutike, të pakëndshme, të argumentuara dhe qëllim-mira që ia bëjë rregullisht Qeverisë Kurti, nëse do të më duhej të vendosja mes Albinit dhe Vjosës nga njëra anë dhe Lumirit, Memlit dhe Ramushit nga ana tjetër, nuk do të hezitoja asnjë sekondë të vetme se kujt t’ia jepja mbështetjen time.
Kujt tjetër pos Albinit dhe Vjosës, që për momentin janë pa alternativë.
Unë Albinit me qëllim i shkoj në nerva me temen e ekstremizmit fetar, deri sa t’i ndizet alarmi në kokë, dhe ta kuptojë se ka rënë ne gracken e agjencive private inteligjente të Pdk-së dhe LDK-së, të cilat kanë derguar në partinë e tij personelin më të pistë të mundur, jo vetëm për ta ndotur Partinë dhe ideologjinë e tij socialdemokrate me ekstremizëm politiko-fetar, por sidomos për t’ia humbur atij kredibilitetin në Uashington dhe Bruksel.
Përveç kësaj, ai ka rënë në grackën e disa bashkëpunëtorëve të tij që i shiten si të afërt dhe besnikë, duke mos qenë fare i vetëdijshëm se ia kanë dërguar pikërisht agjencitë e latpërmendura inteligjente të Pdk-së dhe Ldk-së, për ta manipular deri në atë masë, saqë t’i realizoj pa i hetuar fare qëllimet e tyre më të pista të mundura.
Sepse ai u besoi atyre nga zemra, ndërsa ata abuzuan me besimin e tij dhe ia sollen në tavolinë halavulat terroristë, pa pasur ide i shkreti se kush ishin.
Ju drejtohem juve që ia doni më të mirën Albinit dhe që i besoni vërtet me zemër dhe me mendje.
Jini të mirë dhe zbuloni se cilët kuadro të larta të partisë suaj e mbështesin Balkan Open pas shpinës së Albinit, sepse duke vepruar kështu do t’ia bëni shërbimin më të mirë të mundur jo vetëm atij, por edhe popullit dhe vendit tuaj.
E kam edhe një kërkesë për ju!
Kërkoni prerazi prej tij që ta heqë sa më parë qafe llumin udbash dhe ekstremist fetar nga partia e tij, dhe unë ju garantoj se me dy investime të mëdha dhe tre peshkaqenë të mëdhenj pas grilave, ai do të ketë edhe më shumë mbështetje në zgjedhjet e ardhshme se sa me 14 shkurt të vitit 2021.
Unë nuk dyshoj në synimet e tij të pastra patriotike edhe kur e kritikoj pandalur për baltën ekstremiste që e tërheq zvarrë dhe për mungesën e një vule socialdemokrate në politikën e tij të brendshme.
Mirëpo, vetë fakti se kundër tij janë bashkuar të gjithë kriminelët dhe tradhtarët më të mëdhenj nga të gjitha trevat tona etnike, është dëshmi se atyre ju dhemb fort shpirti, zemra dhe koka, që ai nuk i lejon të vjedhin, të shkatërrojnë dhe të tradhtojnë çdo gjë përballë tyre.
E po, pikërisht për këtë arsye armiqtë e tij nuk do ta kenë kurrë mbështetjen time.
Nëse Albin Kurtit i ka rënë malli për një opozitë konstruktive, profesioniste, patriotike dhe mirëdashëse, atëherë lirisht tregojini atij, se ajo opozitë e ka emrin “Forca e Diasporës për Kosovën” dhe Kryetari krahut të saj politik Lirim Gashi.
___
Autori është Kryetar i Forca e Diasporës për Kosovën, me seli në Prishtinë
