Dita e sotme është dëshmia më e mirë se shqiptarët janë ende subjekt i diskriminimit të heshtur. Pikërisht sot, me 28 shkurt 2023, teksa qeveritë e Shqipërisë dhe Malit të Zi ishin ulur në Akademinë e Shkencave të Malit të Zi, në kundërshtim me rekomandimet e BE-së dhe SHBA-së në pushtetin legjislative votuan se nuk ka vend për një shqiptar në Gjykatën Kushtetuese, kështu fillon reagimin kryetari i Forcës së Re Demokratike dhe njëheri deputet në Kuvendin e Malit të Zi, z. Genci Nimanbegu.
Në të njëjtën kohë, para trupit gjykues të Gjykatës Speciale shqiptarët po gjykohen për të ashtuquajturat “punësimi i paligjshëm”, dhe për të njëjtin rast, qytetari nga Tivati në Gjykatën Themelore në procedurë të rregullt. Nga gjërat e barabarta në mënyrë të barabartë, në gjëra të pabarabarta në mënyrë të pabarabartë – kështu mësohet aksioma bazë për drejtësinë në fakultetin juridik, vazhdon reagimi.
Në rastin e të ashtuquajturit “punësimi i paligjshëm” të gjithë janë të njëjtë, ose ndoshta jo sepse në njërën prej tyre ndiqen penalisht shqiptarë, përfundon reagimi i Nimanbegut.
