Organizimin e promovimit të librit “Arbëreshët fotosintezë e shpirtit tim” e organizoi kryetari i komunës Rasario Petta, i cili falënderoi ekipin e shoqatës “Hora e Skënderbeut” dhe mërgimtarët tanë në Perëndim për dërgimin e shtatores impozante të Gjergj Kastriotit Skënderbeut nga Kosova në mesin e vëllezërve arbëresh në Sicili
Nga 18 janari në Hora të arbëreshëve në afër Palermos në Sicili ndodhet ekipi i shoqatës “Hora e Skënderbeut” që merret me organizimin për sjelljen e shtatores së Kryetrimit tonë, vepër e skulptorit prishtinas, Gëzim Muriqi e cila ngritët me kontribute të mërgimtarëve tanë. Grupi i shoqatës është në përbërje: Ramadan Morina, Veli Berisha dhe Rexhep Rifati, ndërkohë grupit iu bashkua edhe Dr. Ornela Radovicka nga pozita e redaktores së librit “Arbëreshët…”
Pas një pritje nga kryetari Rosario Petta, në zyrën e tij ku u bisedua rreth shtatores së Skënderbeut , ai shprehi kënaqësinë edhe të qytetarëve të Horës për këtë dhuratë e cila vlerësohet si shenjë respekti nga vetë mërgata jonë për vëllezërit arbëresh, ndaj edhe u shpreh dëshira që shtatorja të inaugurohet me 30 gusht, kur edhe është dita e themelimit të Horës së arbëreshëve.
Gjatë promovimit të librit, takimin e shpalli të hapur Giorgio Cussia, kryetar i shoqatë Pro Loci ndërsa që për librin dhe rëndësinë Horës në historinë dhe kulturën arbëreshe foli redaktorja Ornela Radovicka. Në promovim pati një pjesëmarrje të dukshme si ngs radhët e nxënësve e të rinjve por edhe kryetar të ngulimeve të tjera arbëreshe. Në mbrëmje në një restorant dhjtera arbëresh na shtruan një darkë të përbashkët të shoqëruar me muzikë.
Ndërkohë, portali Drini, do të informoj më gjerësisht për këtë vizitë.
