-Qeveria e Kosovës sot miratoi nisma para mbledhjes me Qeverinë e Maqedonisë së Veriut/
-Para më shumë se 10 viteve, në 11 Janar 2014, në Prizren është mbajtur mbledhja historike e parë e përbashkët e qeverive të Shqipërisë e Kosovës, pasuar edhe me 7 mbledhje të tjera/
Nga: Behlul Jashari, Prishtinë
Qeveritë Kosovë-Maqedoni e Veriut mbledhje të dytë të përbashkët
– Maqedonia e Veriut është shteti i 49-të që ka njohur Kosovën në 9 tetor të vitit 2008 të shpalljes së pavarësisë në 17 Shkurtin historik/
-Para më shumë se 10 viteve, në 11 Janar 2014, në Prizren është mbajtur mbledhja historike e parë e përbashkët e qeverive të Shqipërisë e Kosovës, pasuar edhe me 7 mbledhje të tjera/
PRISHTINË, 18 Nëntor 2024/ Në Prishtinë sot Qeveria e Republikës së Kosovës dhe Qeveria e Republikës së Maqedonisë së Veriut zhvilluan mbledhjen e dytë të përbashkët ndërqeveritare, pas asaj të 16 Shtatorit 2021 në Shkup.
“Takimi i sotëm ka edhe një rëndësi simbolike, pasi që përkon me 15-vjetorin e vendosjes së marrëdhënieve diplomatike mes dy vendeve tona. Gjatë këtyre viteve, kemi nënshkruar mbi 50 marrëveshje dhe memorandume, të cilat na kanë afruar edhe më shumë me njëri-tjetrin, por ajo ku duhet të theksojmë më shumë, është zbatimi i tyre i plotë dhe i përpiktë”, theksoi Kryeministri i Kosovës Albin Kurti.
“Është koha të flasim për ardhmërinë në vend që të flasim për të kaluarën”, është shprehur Kryeministri i Republikës së Maqedonisë së Veriut, Hristijan Mickoski, i cili ka falënderuar për mikpritjen dhe bashkëpunimin e ofruar nga Kryeministri i Kosovës.
Sot u bë edhe nënshkrimi i marrëveshjeve bilaterale, kurse dje në një mbledhje Qeveria e Republikës së Kosovës ka miratuar Nismën për lidhjen e Protokollit ndërmjet Qeverisë së Republikës së Kosovë dhe Qeverisë së Republikës Maqedonisë së Veriut për Implementimin e Marrëveshjes në mes të Qeverisë së Republikës së Kosovës dhe Qeverisë së Republikës së Maqedonisë së Veriut për Pikat e Përbashkëta të Kalimit Kufitar Hani i Elezit – Bllacë dhe Glloboqicë – Jazhincë.
Poashtu, Qeveria e Republikës së Kosovës ka miratuar Nismën për lidhjen e Memorandumit të Mirëkuptimit ndërmjet Ministrisë së Ekonomisë të Republikës së Kosovës dhe Ministrisë së Energjisë, Minierave dhe Burimeve Minerale të Republikës së Maqedonisë së Veriut, në Sektorin e Energjisë në përputhje me politikat dhe strategjitë e tyre.
Maqedonia është shteti i 49-të që ka njohur Kosovën në 9 tetor të vitit 2008 të shpalljes së pavarësisë në 17 Shkurtin historik.
Para 11 viteve, në 13 Shtator 2013, Edi Rama ishte në Kosovë në vizitën e parë si Kryeministër i sapozgjedhur, gjatë së cilës paralajmëroi mbledhjen e parë të përbashkët të qeverive Shqipëri-Kosovë, e cila u u mbajt në 11 Janar 2014 në Prizren,
Mbledhja e ardhëshme e Qeverisë së Republikës së Shqipërisë dhe Qeverisë së Republikës së Kosovës do të jetë e nënta.
Para mbledhjes së tetë të përbashkët – të 20 Qershorit 2002, në Prishtinë, Qeveritë e Shqipërisë e Kosovës kanë mbajtur mbledhjen e shtatë të përbashkët në Elbasan në 26 Nëntor 2021, pas të gjashtës në Tiranë në 2 Tetor 2020.
Më parë, Qeveria e Kosovës dhe Qeveria e Shqipërisë në 26 Nëntor 2018 në qytetin e Pejës zhvilluan mbledhje të përbashkët, të pestën, pas të parës historike në Prizren në 11 Janar 2014.
