Nuk është as në natyrën, as në traditën e shqiptarëve që festat t’i shndërrojnë në skena provokuese, e aspak cilivilizuese. Një grup i shqiptarëve në Kumanovë, dje duke dashur të tregojnë se sa e duan flamurin e tyre, e pasakn grisur flamurin maqedonas dhe paskan bë gjurulldi të panevojshme, duke blloku rrugë dhe duke shkaktu kaos në trafik….. Kjo nuk është festë… kështu nuk festohet… Më së paku, nuk e meriton famuri ynë të përdoret për të shprehur frustrime të panevoshjme që mund të shqetësojnë qytetatarët tjerë, që janë të një nacionalitetit tjetër.
Më mirë së shqiptarët, askush tjetër nuk e kupton se çka do të thotë të jesh i provokuar, i ofenduar….Dje një grup i shqiptarëve të Kumanovës treguan se, duke dashur të glorifikojnë sentimentet e tyre nacionale, nuk paskan mësuar asgjë nga historia më e hershme dhe më e re, kur vet ata ishin viktimë e sjelljeve vandale të serbëve, maqedonasve etj,. nëpër rrugë, ku nuk kanë munguar as parullat raciste në adresë të tyre.
Çka iu desht kjo sjellje e pahijshme këtyre belaxhijve, që duke e keqpërdor flamurin tonë kombëtar, goditën një flamur tjetër, ofenduan kalimtarët maqedonas dhe shkaktuan një kaos të paparë në trafik…..?!
Kush i ka mësuar këta belaxhij të paedukuar e të pakulturuar se vetëm duke pasur sjellje vandale, mund ta duash flamurin tënd? Jo. Është e kundërta. Këta belaxhij jo vetëm se nuk i bëjnë kurrfarë nderi flamurit tonë kombëtar, por ata ua hapin gojën turli shovenisti që tash e në të ardhmjen të inicojnë ide e procese kundër përdorimit të flamurit shqiptar.
Shqiptarët në Kumanovë duhet të reagojnë më fuqishëm dhe të distancohen nga këto sjellje belaxhinjsh, por edhe të dëshmojnë se flamuri është i shenjtë dhe si i tillë nuk ka vend në duart e atyre që lidhje s’kanë me kauzat kombëtare.
Shqiptarët në Kumanovë janë shumë më shumë në numër se këta belaxhij, prandaj ata nuk e meritojnë të paguajnë tagrin e sjelljeve të pahijshme të tyre, që vetëm me festën e flamurit nuk kanë të bëjnë fare…./ea
