Kolec P. Traboini
___
VERTIKALITETI SOCIAL I SHQIPTARËVE
*
1-Ne shqiptarët, në qofshim të tillë me ADN, gjatë një shekulli nuk kemi patur e ende nuk kemi mbi kokë njerëz që na drejtojnë, por perëndi që na sundojnë. Dhe kjo si shoqëri dhe si shtet përbën një hendek të madh konceptual në mes nesh dhe Europës. Ndërsa me shkretëtirat e Lindjes në këtë vertikalitet social kemi shumëçka të ngjashme. Ne jemi popull që para sundimtarëve rrimë si pula të lagura. Po ADN si e kemi? A kemi ndopak Gjergj Kastriot në damarë?
2- Këtë kafene e pi në Tiranë, por këta më thonë
nuk je tiranas, por veç një gur malësie qe je rrokullisur nga mali i Hotit në Shkodër e më pas vrik në Tiranë…
Çudi pra se ky gur ka lëviz e rrokullis deri në Filadelfia, Boston e Washington DC, por këta amerikanët nuk më thonë kështu. Madje as duan ta dinë fare se prej nga kam ardhur.
Kaq të prapambetur qenkan këta amerikanët.
Çudi…
