Atdhe Geci (Rrustem Geci)
DOSJA ÇAMËRISË NË HAGË
Fragment nga libri i Atdhe Gecit, “Çamëria, Kthim në histori – mision”.
Me 11 shkurt, 2016 Prokuroria Ndërkombëtare e Gjykatës së Hagës për Krime Kundër Njerëzimit e pranoi për trajtim Dosjen çame kundër Gjenocidit të bërë të Greqisë ndaj çamëve të Çamërisë. Ky akt historik për Çamërinë e Atdheun tonë u shoqërua nga një numër i madh patriotësh nga Çamëria dhe trojet e tjera shqiptare. Dosjen e Çamërisë, kundër gjenocidit të Greqisë ndaj çamëve të Çamërisë, në katër pika dhe në tri gjuhë, anglisht, gjermanish dhe frengjisht. Dosjen came në prokurori me 11.02.2016 në Prokurinë Ndërkombëtare në Hagë e dorëzuan, Festim Lato dhe Koço Danaj.
Pranimi me shkrim i dosjes çame për trajtim të mëtejmë u konfirmua nga ana e Prokurorisë Ndërkombëtare të Gjykatës së Hagës për Krime kundër Njerëzimit me 17 maj 2016. Përmbajtja e dosjeve.
1. Dosja I, të njihet gjenocidi grek nga Greqia ndaj shqiptarëve etnikë të Çamërisë.
2. Dosja II, të heqet shtetrrethimi ushtarak ndaj Çamërisë nga ushtria greke, dhe kthimi i 1 milion çamëve dhe arvanitëve të dëbuar nga trojet e tyre stërgjyshore.
3. Dosja III, dëmshpërblimi për plagët dhe për pronat e çamëve për 100 vjet të shfrytëzuara nga Republika e Greqisë. 4. Dosja IV, lirimin e 23 mijë e 500 qind kilometra katrorë sipërfaqe ujëra dhe det të Çamërisë nga shteti i Greqisë. Me këtë rast, Sali Bollati u prononcua; Historia u përket njerëzve veprimtarë, atyre që bëjnë luftë të pakompromis për çështje të atdheut. –Prandaj, është një çast historik dhe një ditë e mbarë, që Dosja çame mori udhën e duhur u shpreh Lato, Bollati dhe Koço Danaj.
Pas pranimit të Dosjes çame në Prokurorinë Ndërkombëtare në Hagë, të gjithë të pranishmit u shkrehën në lot gëzimi dhe në përqafime. Është interesant të thuhet se udhëtimit të kësaj dhimbjeje iu deshën 72 vjet rrugëtim, që Dosja çame kundër gjenocidit të bërë grek ndaj popullit të Çamërisë më në fund të arrijë në Hagë, në Institucionin më përgjegjës të Drejtësisë Ndërkombëtare.
Me këtë akt të dorëzimit të dosjes çame, shpresa e Çamërisë kurrë s´ka qenë më reale, që çamët të fitojnë pavarësinë dhe të kthehen në tokat e tyre stërgjyshore.
Jam e përlotur nga gëzimi u shpreh një nënë çame e ardhur nga Janina, se pas 72 vjet të gjenocidit mbi shqiptarët e Çamërisë, po zbardhë dita edhe për Shqipërinë e Poshtme – Çamërinë shqiptare. Uroj, u shpreh Qemal Kryeziu, mësues në Hagen, që Gjygji Ndërkombëtar i Hagës, të jetë në dobinë historike të Bashkimit të Çamërisë me Shqipërinë, ndërsa në emër të Lidhjes së Shkrimtarëve të Kosovës, këtë akt historik, e përshëndeti, shkrimtari, Atdhe Geci.
