Tiranë, 26 mars 2023
Gjatë vizitës së tij në Republikën e Shqipërisë, Kryeministri i Republikës së Kosovës, Albin Kurti, u prit nga Presidenti i Republikës së Shqipërisë, Bajram Begaj.
Duke e falënderuar për mikpritjen dhe bashkëpunimin e afërt, Kryeministri Kurti e njoftoi presidentin Begaj për qeverisjen dyvjeçare dhe progresin e Kosovës, me theks në sundim të ligjit, luftimit të korrupsionit dhe avancimin demokratik të vendit.
Diskutuan për takimin e lartë politik në kuadër të dialogut ndërmjet Kosovës dhe Serbisë të datës 18 mars në Ohër. Me këtë rast, kryeministri Kurti e njoftoi presidentin Behaj për marrëveshjen e arritur, elementet e saj, dhe për qasjen e konstruktive që Kosova ka ndjekur në këtë takim, por edhe gjatë gjithë procesit.
Presidenti Begaj falënderoi kryeministrin Kurti për vizitën, teksa dha vlerësimin e tij për arritjet e qeverisjes dhe mbështetjen për qëndrimin dhe lidershipin e treguar në arritjen e marrëveshjes mbi aneksin e zbatimit të Propozimit Evropian, tashmë Marrëveshje Bazë. Ai gjithashtu theksoi mbështetjen e tij dhe të Shqipërisë ndaj Kosovës për anëtarësimin e saj në NATO.
Shpresoj te jene shtruar tema teper te nevojshme…midis dy shteteve tona, te nje kombi te vetem, por qe meritojne te mos behen publike dhe duhet te mbeten konfidenciale…