Mevi Rafuna, Mitrovicë
Këtë deklaratë nuk do ta thoshte asni myfti patriot e atdhetarë , por për Naim Tërrnaven nuk vlejnë këto atribute, sepse prej qiellit shihet kujt i shërben ky person.
Për cilat xhami e ka fjalën, dihet… Xhamijat që e pushtuan Kosovën e pasluftës ku u ndërtuan në çdo cep e në çdo kënd të tokës sonë. Xhamijat ku imamët nga të cilët kurrë nuk është distancu Myftiu Tërrnava, predikohet Incesti, Pedofilia, Albanofobia dhe Dhuna në të gjitha format e saj.
Vetëm në luftën e Sirisë, qindra të rinjë nga Kosova u nxitën të shkonin nga imamët nëpër këto xhami, pastaj përdorën platformat online për ligjerata të çmendura dhe si rezultat qindra familje u shkatërruan, u vranë e mbetën në Siri, meshkuj dhe femra të manipuluar ndërsa kampet u mbushën me fëmijë jetim.
Për këto gjëra nuk ka folur asnjëherë Myftiu Tërrnava e as BIK-u. Madje në heshjte e kanë përkrahur shkatërrimin e Islamit Tradicional dhe shkatërrimin e harmonisë ndër-fetare.
Para dy ditësh u arrestuan pesë persona në Kosovë për terrorizem dhe lidhjen e tyre me Shtetin Islamik , por këto nuk i bëjnë përshtypje Tërrnaves, pasi që është i zanun duke e akuzuar Akademikun Mehmet Kraja , pse ai foli hapur për një të Vërtetë Historike- rikthimin e shqiptarëve me dhunë dhe terror në islam, përmes pushtuesve otomanë.
Terrnavë neve që nuk na pëlqejnë Xhamijat ku nuk keni arritur të ruani Njerëzinë , por keni kriju Bisha që flasin, nuk e kemi ndërmend të shkojmë në Beograd, e askund tjetër. Mijëra të rinjë shqiptarë i kanë marrë rrugët e Europës për punë, që t’i ndihmojnë vetes dhe familjeve të tyre sepse e kuptuan Kurthen në Xhamijat e tua. Kurthë e randë Antinjerëzore dhe Antishqiptare.
Sepse Zoti nuk e do terrorin dhe dhunën të cilën ju thirreni dhe e praktikoni. Sipas juve ne shqiptarët nuk kemi vend as në këtë botë e as në parajsë pasi që flasim Shqip dhe Allahu nuk e do gjuhën shqipe dhe kombin shqiptarë.
Ne nuk kemi Atdhe që ty dhe grupit tuaj t’ia lamë e të bahet këtu ma zi se në Iran dhe në Afganistan.
Toka e Kosovës- Dardanisë antike mbanë ende aromë gjaku dhe ëndrrat tona nuk kanë lidhje me Ferrin e kësaj bote të cilin ju e predikoni dhe praktikoni. Mjaftë e keni shfrytëzuar butësinë e popullit për të predikuar diçka që nuk na takon. Feja është personale dhe besimi apo mos besimi në zot është subjektiv.
Cili është mesazhi i kësaj deklarate në një Festë Krishtlindjesh?!..
E keni për mision Shkatërrimin e Akademisë dhe Shtetit të Kosovës dhe Kushdo që ka Guxim të dal kundër juve, ju e kërcënoni, ja gjuani pas ushtarët virtual dhe real të Xhihadit të mallkojnë e kërcënojē apo edhe të vrasin “armiqtë e juaj” me gurë midis sheshi.
Ashtu siç keni filluar të ngrisni padi në emrin e BIK-ut ndaj atyre që flasin e shkruajnë kundër juve në publik apo në rrjete sociale.
Tërrnavë ti njerën kambë e ke në Beograd dhe tjetrën e ke në Stamboll.
Ne nuk kemi Atdhe tjetër dhe nuk kemi ku të shkojmë…
