Letër nga Nazario Sauoro delegat i Kongresit shqiptarë të Triestes dërguar Terenc Toçit

Letra në vazhdim është ruajtur si një relikë nga patrioti shqiptar Terenc Toci të cilën ja dhuroj Duçes , i cili duke vlerësuar dhuratën e çmuar urdhëroj që letra e Sauros të ruhej në një muze të Romës.

Trieste 10-IV -14

I dashur Mik.

Nuk mud të mos shpreh keqardhjen për atë që po ndodh në Shipërinë e poshtme nëpërmjet veprës së grekërve falls ….. Preokupimi im është ai joti, nëse nuk duam që për Shqipërinë e për shqiptarët të flitet me përbuzje në të gjithë botën, ai që ndjehet “vetëm” me fe shqiptare të marrë armët ,shkopinjtë, gurët dhe të shporrë nga shtëpia e vet të huajin e poshtër! Me çfarë dhimbjet degjoj unë prej shumë muajsh të flitet keq për shqiptarët si gojëmbyllur dhe pa kurajo inisiative sigurisht prej atyre që nuk ju njohin!

I dashur Toci është më mirë të vdesësh me nder se sa të jetosh….i mbrojtur…

Po jap këtë mendim që të inkurajosh më shumë shqiptarët dhe do të shohësh që nga Shqipëria e vogël e shënuar me konvencione internacionale të frikshme do të bëhet e bashkuar , një e vetme , një e vërtetë e gjithë Shqipëria , dhe kufinjtë e juaj do të shënohen vetëm nga gjuha burimore e juaj e embël, nga goja e luftëtarëve shqiptarë, e fiseve, tani të pushtuara, por kurrë të nënshtruara

nga malazezët, serbët e grekët.

Që tani të ofroj ndihmën time nëse ke nevojë nëpërmjet detit.

Përdore këtë letër si të duash, po mos vendos emrin tim , jo prej frike, por ti e di arsyen.

Një përshëndetje të veçantëpër veprën tënde luftarake ….nga miku dhe simpatizanti i shqiptarëve.

Cap. Nazario Sauro

P.S Më bëj një nder shkruaj tek gazeta adresën e thjeshtë kështu: Cap. Nasaurio Sauro -L’apodistria, Via Trieste e mos shkruaj Austria- që do të thotë për mua sikur të shkruaje për një mik në Gjirokastër duke vendosur poshtë Greqi.