MOLLA E KUQE
___
Tokë dardane, atje ka qenë,
shqip është folë në atë vend.
Kemi bërë dasma me nuse
në ato anë, te Molla e Kuqe.
__
Dhe një ditë, pa lindur dielli,
n’ato anë kishte rënë shtrëngata;
iu gjakosën djemtë e Dardanit,
i dëbuan në vende të largëta!
__
Mollës së Kuqe ia prenë rrënjët
hordhitë e egra serbo-sllave,
për me humbur çdo shenjë e farë,
mos të quhej më tokë shqiptare!
__
Aty s’bie më lahuta,
as plisi s’është te oxhaku,
por Mollën e Kuqe s’e harrojmë
se të kuqe e bëri gjaku !
