Nga: Lule Alidema, psikologe, Prishtinë
____
Psh, po e paraqes një rast si shembull ndër shumë raste të tilla që çdo ditë ballafaqohem. Meqë kemi filluar sadopak ta kuptojmë rëndësinë e psikologut e aq më e rëndësishme se kemi filluar pak të kujdesemi dhe ta kuptojmë gjendjen tonë emocionale apo psikike, shkruajnë në vazhdimësi njerëz në msn dhe kërkojnë ndihmë për trajtim-këshillim psikologjik.
Po, si rëndom ju them ejani më takoni në zyrën time ku punoj dhe e flasim sy më sy me detaje për shqetësimin tuaj (kuptohet nëse nuk bëhet fjalë për diçka urgjente).
Përndryshe e dijnë mirë shumë nga kush ju ndihmova që ka shumë e shumë hera që ju kam përgjegjur edhe në mesnatë e pas mesnate e deri edhe aty sa nuk kam fjetur as edhe gjysëm ore gjumë dhe atë pa asnjë konpensim vetëm e vetëm ta shpëtoj jetën e njeriut (rast krizash emocionale, tentim suicidi etj).
Po mirë, për asnjëherë e asnjë rast nuk pendohem që e kam bërë dhe do ta bëj sërish sepse veç tjerash është profesion human por jo edhe deri aty sa të keqpërdorem profesionalisht.
Një person ndër shumë të tjerë më përgjigjet kështu:
Jo, të vijë nuk mundem por nëse mundeni të më trajtoni- këshilloni këtu (në msn ose me zë përmes tel) sepse jam larg (dmth brenda Kosovës) dhe nuk kam mundësi ti mbuloj shpenzimet e rrugës.
I them: më falni por nuk kam mundësi në telefon sepse me një fjali nuk arrijmë në zgjidhje të asnjë shqetësimi psikologjik.
Nuk më lejon etika profesionale e as ajo morale të ofroj ndihmë profesionale në hamendje kurse nuk e di gjenezën e shqetësimit që keni.
Sa e thjeshtë ju duket kjo me gjasë?!
Shqetësimet psikologjike duhet trajtohen nga baza e jo nga sipërfaqësorja e as në hamemdje me paragjykime.
Ajo sipërfaqësorja tregon se veçse problemi ka marrë shtrirje.
Së paku unë këtë nuk e bëj!
Asnjëherë nuk them e gjykoj nga momenti, paragjykimet apo njëanësia.
Dhe si rëndom vjen përgjigjia e tillë:
NUK KËRKOVA NGA JU PSIKOLOGE SHËRBIM MJEKSOR E AS LEKË!
Kjo vërtetë më vjen si ofenduese, si mosvlerësim profesional.
Nuk e kuptoj se, edhe kërkojnë ndihmën profesionale dhe nuk e cilësojnë shërbim profesional, jo jo është shërbim profesional mjeksor sepse po ju ofroj trajtim të mendjes dhe mendimeve tuaja.
Është trajtim sidoqoftë, edhe nëse nuk ju jap ilaçe, nuk ta lidhë plagën apo nuk të jap injeksion).
Çfarë është koha e komunikimit në tel a nuk është shërbim e lekë a?
Koha kushton më shumë se gjithëçka tjetër, është gjëja më e kushtueshme për njeriun dhe profesionin.
Tjetra, nuk e kuptoj se përse nuk është e kuptueshme se edhe trajtimi psikologjik-të këshilluarit është punë dhe se çdo punë ka një kosto për shërbime (përjashtimisht rasteve që i cilësoj se duhet ndihmohen pa asnjë konpensim, thjeshtë dua ti falë kohën time për ta ndihmuar).
Psikolog nuk është profesion aspak i lehtë.
Përveç nuk është i lehtë fare, është punë me shumë përgjegjësi, çka do të thotë gjykim nga të vlerësuarit e mendjes sate e që mund të jetë bazë për shëndetin dhe cilësinë e jetës së njeriut.
Ti thuash klientit JENI MIRË apo JENI JO MIRË është tepër përgjegjësi, mirëpo falë kualifikimeve profesionale, përvojës e aftësisë time kam përgatitjen që më jep të drejtën duke marrë mbi vete gjitha përgjegjësitë e mundshme të vijë në konkluzionin e fundit për ta vlerësuar e trajtuar problemin.
Ata që ndjejnë përgjegjësi ndaj titullit profesional e specifikisht profesionistët shëndetësor ku bën fjalë për shëndetin e njeriut e dijnë mirë se çfarë përgjegjësie mbartë fjala jonë, konkluzioni ynë, diagnostikimi i klientit, pacientit etj.
NJË GJË MË HABITË NË SHOQËRINË TONË KUR DIKUSH VESH BLUZËN FIRMATO ME ÇMIM MARRAMENDËS E MENDJEN NUK E KA KËRKAH! (dmth kjo lë hapësirë për të nënkuptuar).
25.01.2023
