Nga Aurenc Bebja*, Francë – 25 Tetor 2025
“The Shepparton Advertiser” ka botuar, të martën e 31 gushtit 1943, në faqen n°2, një shkrim asokohe rreth objektivave të krijimit të shoqatës së parë shqiptare në Australi, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :
Krijimi i Shoqatës së Lirë Shqiptare.
Inkurajimi i besnikërisë ndaj Australisë.
Burimi : The Shepparton Advertiser, e martë, 31 gusht 1943, faqe n°2
Inkurajimi i besnikërisë ndaj Australisë dhe studimi i zakoneve dhe ligjeve angleze dhe australiane janë qëllimet e shqiptarëve që formuan Shoqatën e Lirë Shqiptare të dielën në mbrëmje në Shepparton. Një mbledhje prej 17 £ u bë për Spitalin Mooroopna.
U ra dakord për objektivat e mëposhtme :
- Në përgjithësi, promovimin e interesave të banorëve shqiptarë në Australi.
- Ofrimin e ndihmës së ndërsjellë për vendosjen si qytetarë australianë të anëtarëve të komunitetit shqiptar.
- Ofrimin e ndihmës për shqiptarët e varfër dhe në nevojë.
Burimi : The Shepparton Advertiser, e martë, 31 gusht 1943, faqe n°2
- Promovimin e studimit të gjuhës angleze dhe njohuritë e zakoneve dhe ligjeve australiane.
- Inkurajimin e besnikërisë ndaj Australisë dhe organizimin e mbështetjes për vazhdimin me sukses të luftës.
- Përmirësimin e metodave bujqësore dhe prodhimin e produkteve të tjera parësore.
- Nëpërmjet Kryqit të Kuq ose çdo kanali tjetër të disponueshëm ligjërisht, ofrimin e ndihmës për gratë dhe të afërmit e shqiptarëve që banojnë në Australi, të cilët mbeten në Shqipëri dhe po vuajnë nga pasojat e pushtimit të vendit.
- Bashkimin nëpërmjet anëtarësimit me organizata të tjera me objektiva të ngjashme, përfshirë Shoqatën e Shqiptarëve në Shtetet e Bashkuara të Amerikës.
- Ofrimin e përfitimeve të tjera shpirtërore dhe materiale ndaj anëtarëve që mund të përcaktohen herë pas here.
U zgjodh komiteti i mëposhtëm :
Kryetar : Rakip Beqiri
Nënkryetar : Ali Maliqi
Sekretar : Guri Andreasi
Ndihmës sekretar : Hysen Saliu
Arkëtar : Bepshe (Beqir) Ahmeti
Bordi ekzekutiv : Shaqir Ibrahimi, Ali Myrtezaj, Nazif Avdyli, Muhamet H. Mulla, Qani Hasani, Zyrap Maxhiu dhe Harry M. Ismaili.
- Aurenc Bebja, Francë. (Blogu © Dars (Klos), Mat – Albania), https://www.darsiani.com/la-gazette/the-shepparton-advertiser-1943-9-objektivat-e-krijimit-te-shoqates-se-pare-shqiptare-ne-australi/.
