Opozita deri më tani deklaronte se Albin Kurti ka frikë të qeverisë dhe po përpiqet ta rikthejë vendin në zgjedhje, ndërsa vetë, si qyqarë, silleshin rreth parlamentit dhe nuk merrnin pjesë në debat për t’i demantuar ato që thoshte Kurti.
Çka ndodhi brenda natës që opozita ndryshoi qëndrim? Dje e akuzonte Kurtin se po luan me zgjedhje të parakohshme, ndërsa sot del me qëndrimin se ai po do ta kapë shtetin , të cilin shtet këto parti vetë e kanë shtrirë me njerëzit e tyre në të gjitha mekanizmat e vendit.
Eh, Albin, çka na bëre me atë Byro për verifikimin e pasurisë që i çmende këto grupe interesi në partitë opozitare? Pse s’po vazhdon kështu?
Këta duan edhe më tutje të privatizojnë dhe të ndërtojnë banesa aty ku interesi për përfitim sot është më i lartë se në çdo fushë tjetër.
Përsëri në zgjedhje për t’i fshehur dështimet e veta, e tani ata duhet ta marrin tamam rezultatin që e meritojnë. Me gjithë gabimet e shumta në qeverisjen e Kurtit, ai mbetet lideri më i pakorruptuar në hapësirën shqiptare. Nuk e durojnë më, jo vetëm udhëheqësit e hajnisë dhe korrupsionit e tjetërsimit të pasurisë, por tani edhe djemtë dhe vajzat e tyre janë agresivë kundër qeverisjes së Kurtit. Ata duan më shumë tenderë e terminale, toka dhe ato pak ndërmarrje që kanë mbetur pa u privatizuar, në vend që të ndërtojnë pallate.
Por qytetari i Republikës së Kosovës, kujdestari i krejt çka ka ndodhur këtu një vit e gjysmë, i ka parë me vëmendje këto zhvillime. Të shohim a është sovrani ai që flet, apo debatet shterpa të mediave që kontrollohen nga partitë politike dhe oligarkët me dyshime për prejardhjen e pasurisë së tyre, siç është rasti i Isa Mustafës dhe pasardhësve të tij.
