Prof. Fadil Maloku, sociolog nga Prishtina
1. Siç po duket, Amerika po tërhiqet apo të paktën në faza afatgjata dukshëm do i reduktoj si ndihmat financiare ashtu edhe ato ushtarake në Ukrainë e Gaza dhe se këtë problem do ia “delegoj” së shpejti BE-s. Gjeopolitika e re (pas luftës në Ukrainë dhe në Gaza) amerikane me reduktimin e “përkujdesjes” si ndaj Evropës, ashtu edhe ndaj Ballkanit Perëndimor vetëm sa do e hap pa asnjë dyshim “kutinë e Pandores” për një Rend të ri bipolar botërorë.
2. Po ashtu hetohet se Uashingtoni tashmë kapacitetet e veta ushtarake po i drejton shumë më shumë kah Kina dhe Paqësori. Këtë fakt, tani kanë filluar ta “pëshpërisin” zëshëm shumë nga kancelaritë e Brukselit. Ani pse nuk duhet harruar se Amerika përmes NATO-s, ende si superfuqi globale mund ta kontrolloj pa probleme të theksuara si sigurinë ashtu edhe stabilitetin e rajoneve… siç është edhe Ballkani Perëndimor, ku Serbia përmes Aleksander Vuçiqit po e loz rolin e Putinit të vogël…
3. Rreziku për një deevropianizim (lexo; një kaos politik e ekonomik) të Amerikës mund të vij vetëm me rizgjedhjen e mundshme të Donald Trumpit. I cili sipas shumë analistëve perëndimor, po edhe vetë deklaratave të tija publike në fushata, është i interesuar më shumë për “interesat amerikane” se sa ato globale e sidomos ato evropiane. Bota aktualisht ndodhet para sfidave dhe ndryshimeve rrënjësore gjeopolitike. Shqiptarët, duhet të veprojnë si një komb dhe të jenë në unitet të plotë sidomos kur rrezikohen interesat kombëtare e ato shtetërore.
Ata, edhe më tej duhet ta ndjekin “rood mapp-en” veriatlantike (NATO-n) dhe gjithë miqtë që na u gjetën në kohërat më të vështira…
