Me 1 gusht 2026, në shtëpinë e tij në Llabjan të Pejës, iu dha një mirënjohja Adem Kelmendit. Ademi është vëllai i tretë i Ibrahim Kelmendit. Mirënjohje për një jetë në shërbim të Atdheut! iu nda nga Shoqëria “Lëvizja”, e udhëhequr nga kryetari Xhevat Gjini nga Vitia dhe e shoqëruar nga bashkëpunëtorët e saj që e vizituan Adem Kelmendin dhe familjen e tij në Llabjan të Pejës.
Autori i këtyre rreshtave ishte mysafirë i ftuar nga Zenel Kelmendi, vëllai i këtyre njerëzve të kësaj familjeje që dhanë aq shumë për Atdhe, sëbashku me Profesorin Bajram Binaku.
Me këtë rast Adem Kelmendit iu nda Mirënjohje për veprimtarinë e tij të gjatë patriotike, për kontributin e çmuar në përpjekjet për lirinë e Kosovës, si dhe për përkushtimin e pandërprerë ndaj idealit të bashkimit kombëtar, qysh theksoi vëllai i tij, Man Kelmendi.
Mirënjohjen, në emër të Shoqërisë “Lëvizja”, e dorëzoi prof. dr. Izet Ibrahimi.
Adem Kelmendi dhe e gjithë familja Kelmendi ndihen thellësisht të nderuar dhe mirënjohës për këtë vlerësim, u tha me atë rast solemnd. Kjo Mirënjohje , u tha, nuk është vetëm një dëshmi e kontributit të tij shumëvjeçar, por edhe një respekt për sakrificën, qëndresën dhe besnikërinë ndaj idealeve kombëtare.
Mirënjohja për veprimtarët e çështjes kombëtare është njëkohësisht nderim për historinë dhe amanetin e brezave që punuan e sakrifikuan për lirinë e Kosovës.
Lexuesit duhet njohtuar se i kësaj familje që i dha aq shumë Atdheut, ishte edhe Qerim Kelmendi, që u vra në rrethana misterioze dhe iu dogj trupi në veturë patra disa vitesh.
Përgatitjet për këtë akt solemn ku u nderua dhe u kujtua me pietet të lartë figura atdhetare e Adem Kelmendit, ishin shumë të natyrshme. Në këtë takim solemn në njëren prej shtëpive të Kelmendëve, bante përshtypje ardhja e njerëzve që kishin qenë pjesë e luftës guerile. Kishte ardhur edhe Njeriu që e kishte humbë krejt dorën e majt në aksion kundër milicisë së Serbisë së asaj kohe…!
Video:
Vëllai i Qerim Kelmendit të vrarë, Zenel Kelmendi, tek guri ku përkujtohej vendi i vrasjes së vëllait Qerimit, rinjoftoj disa detaje të vrasjes së tij dhe për kurthen që i ishte bërë atë natë duke ia trupuar rrugën me veturë tjetër që të mos mund të kalonte.
___
Qerim Kelmendi dikur kishte zbuluar detaje të vrasjes së Ilir Konushefcit – Gazeta Online INSAJDERI
