Rreziku i radikalizmit mbi pronën dhe sigurinë e qytetarëve nuk guxon të tolerohet
Ngjarje të tilla në Lagjen Dardania në Prishtina janë thellësisht shqetësuese dhe të papranueshme në një shtet demokratik. Kërcënimet ndaj qytetarëve përmes gjuhës fetare, me qëllim presioni për lirimin e pronave, përbëjnë jo vetëm shkelje të ligjit, por edhe tentativë për të imponuar frikë dhe ndikim jashtë institucioneve.
Kosova është shtet laik, ku prona dhe e drejta mbrohen me ligj, jo me letra anonime dhe kërcënime. Kushdo që qëndron pas këtyre akteve duhet të identifikohet dhe të përballet me drejtësinë pa asnjë kompromis.
Kjo nuk është çështje feje, por çështje rendi, sigurie dhe sovraniteti juridik. Çdo tendencë radikale apo grup i organizuar që tenton të imponojë “ligje paralele” bazuar në Sharia, duhet të ndalet menjëherë nga institucionet. Heshtja në raste të tilla vetëm sa e inkurajon përshkallëzimin.
Shteti duhet të veprojë shpejt, qartë dhe me forcë ligjore—për të mbrojtur qytetarin dhe për të ruajtur karakterin laik dhe demokratik të vendit.
Në Kosovë nuk ka asnjë gazetë të përditshme, prandaj jemi të detyruar të informohemi përmes portaleve të ndryshme, të cilat më shumë manipulojnë se sa informojnë. Dhe janë aq shumë portale sa që është e kotë dhe e pamundur të lexosh të gjitha, prandaj, kur shkruani, ju lutem të tregoni për rastin konkret, edhe pse dukuria për të cilën shkruani, është bërë shqetësuese dhe këtë mund ta ndal vetëm shteti dhe vetëm me ligje. Ndonëse nga shteti, me këta parlamentarë që kemi, pozitë dhe opozitë nuk mund të presim më shumë! Ata me paditurinë dhe mendjemadhësinë e tyre, janë rrokur për karrige dhe nuk do të shkëputen nga kjo mendësi. Duhet një organizim i fuqishëm, nga njerëz të shkolluar që me të vërtetë e duan Atdheun. Njerëz të shkolluar, energjik, të pakorruptuar që mund të krenohen vetëm për punët e ndershme që kanë bërë! E njerëz të tillë duhet të ketë: janë
56% që nuk votojnë(edhe unë) që nuk kanë për kend!E duhet të jenë edhe 20% që votojnë sipas inercionit – jo nga bindja! Dhe këta duhet ta rrethojne parlamentin! Pa gjuajtur gurë, apo gaz lotësjellës dhe pa përdorur dhunë. Thjeshtë, me kërkesa të qarta. Edhe për urrejtjen dhe përçarjet që po shkaktojnë religjionet.