Nga: Arif Molliqi
___
“Jena gëzua, jena gëzua/
jena ba me u tranue…” thotë disi kështu një këngë e jona.
Edhe në shqiptarët kudo qofshim (është bërë modë të themi kështu), jena gëzua që në Maqedoninë e V. është zgjedh një kryeministër Shqiptar- Talat Xhaferi.
Edhe unë them së është mirë kjo që ka ndodhë.
Edhe unë jam gëzuar.
Pa marrë parasysh se ky kryeministër është i përkohshëm për 3-4 muaj, është qeveri teknike, me detyra të kufizuara…
Edhe ashtu jemi gëzuar.
Gjithsesi “Kryeministrin teknik” e “promovuan” me shumë pompozitet “ajka” e mediave shqiptare si: Blendi Fevziu, Baton Haxhiu, Adriatik Kelmendi dhe Berat Buzhala të sponsorizuar nga BDI-ja, dhe që gjithë kohën gjatë ceremonisë ata qëndronin në ulëset e ambasadorëve dhe VIP-ave, në sallën e Parlamentit maqedonas…
Edhe ky gjest na gëzoj(?!)
Nejse, në kemi harruar (për pak qaste) se në qeverisjen e BDI-së, 20 vjet kanë mbetur vendbanime, fshatra shqiptare në Maqedoni që s´kanë shkolla në gjuhën shqipe, s´ka emërtime shqip, s´ka lëshim dokumentesh shqip…Në librat e gjeografisë dhe historisë çka nuk thuhet për shqiptarët…?!
Nejse,
në kemi harruar se edhe në kohën e Jugosllavisë kemi pas kryetar shqiptar Sinan Hasanin… dhe e dini ku kemi qenë?! Disa në burgje, disa me të drejta të kufizuara dhe qytetarë të diskriminuar…Pra, ai kryetar, paramendo i gjithë Jugosllavisë çka prodhonte përveç lavdërimeve (sikur tani) dhe burgjeve si ky i Idrizovës…
