Presidenti turk Rexhep Tajip Erdogan vazhdon të kritikojë Suedinë, duke e quajtur atë një djep terrorizmi. Në Finlandë, është ndryshe, thotë ai.
“Suedia ka qenë një djep i terrorizmit. Dhe terroristët janë infiltruar deri në asamblenë e tyre kombëtare,” tha Erdogan në një intervistë me PBS, një kanal televiziv publik i SHBA.
Ai gjithashtu kritikon Suedinë për lejimin e “terroristëve për të demonstruar në Stokholm,” ndërsa ai është më i kënaqur me Finlandën.
“Në Finlandë, nga ana tjetër, nuk është si në Suedi. Ata janë pak më të qetë dhe kanë më shumë kontroll mbi zhvillimin e tyre. Por Suedia nuk është kështu. Ata gjithmonë përdorin disa arsye. Ata gjithmonë përdorin disa justifikime. Gjithmonë flasin për Kushtetutën. Dhe si parim mbizotërues të Kushtetutës, ata e vlerësojnë lirinë e shprehjes. Dhe në përgjigje, unë them se terrorizmi nuk ka të bëjë fare me lirinë e shprehjes,” tha ai.
Deklaratat vijnë pasi Erdogan u pyet në se Turqia është afruar më pranë një marrëveshjeje me Suedinë dhe Finlandën lidhur me aplikimet e të dy vendeve për në NATO dhe në se Turqia është gati të bllokojë përgjithmonë aplikimet në qoftë se nuk arrihet marrëveshje.
Erdogan nuk i përgjigjet pyetjes, por në fund ai thotë se është Asambleja Kombëtare Turke që përfundimisht merr vendimin.
(NTB)
