Nga Fahri Xharra ( Vuçiqi paska urdhëruar: aty ku ka serbë të ngrihet flamuri i Serbisë “ Dhe ja ku jemi me “Ballkanin e Hapur” – S`ka besë te serbi , na thoshin të parët ) (Nuk ka serbë në Shqipëri, ka politikan të shitur ) Përpjekja e palodhshme e qarqeve te ndryshme për njollosjen e figurave tona kombëtare është e...

Nga:  Bajram Sefaj, Prishtinë  Rilexime nostalgjike (2)  Edhe një kreacion i ri...   (i a. prelocajt )  Paris, dhjetor  Koreografi me origjinë shqiptare, z. Angjelin Prelocaj (emri i të cilit në frëngjishte shqiptohet Anxhele Prelzhokazh, duke pësuar kështu transformim të plotë!), është emër i njohur, i çmuar lartë dhe i admiruar fort, jo vetëm midis ithtarëve të artit skenik të baletit, por të një rrethi të artdashësve në përgjithësi. Para se...

Nga: Skënder Zogaj, Fushë - Kosovë   Bajram Sefaj:  PISHUN - (Portugali, Istri, Shqipëri, Ulqin, Nju Jork). SB “Faik Konica”, Prishtinë – 2021.  Autor i një gjerdani të gjerë veprash letrare e publicistike, i mirënjohur sidomos për brezin e lexuesve të moshës mesme dhe të tretë, të cilët këtë krijues e kanë ndjekur që nga fillimet e tij, si gazetar e publicist, poet e shkrimtar, Bajram Sefaj, ka bërë emër veçmas me reportazhet e bukura nëpër revista e gazeta dhe në ekranin e vogël televiziv, ku ka lënë gjurmë të forta e të rëndësishme për historikun e krijimtarisë radiotelevizive të Kosovës, si njëri nga pionierët e këtij mediumi. Veçantia e shkrimeve publicistike të Bajram Sefajt është e theksuar në dy plane: estetik dhe etik, që realizohen në shembullin e modeleve më elitare të publicistikës shqipe, prandaj e ka të merituar epitetin e mjeshtrit prijatar. Është e rëndësishme të dihet se, në kulmin e angazhimeve krijuese, ndodhiqë regjimi i Millosheviqit të aplikonte masate dhunshme ndaj RTV të Prishtinës dhe të përjashtonte nga puna profesionistët më të mirë, ndër ta edhe Bajram Sefajn, i cili, për t’iu shmangur ndjekjes, arratiset në Francën e aseve botërore të lapsit, që ishte dhuratë e madhe për vazhdimin e jetës dhe të punës krijuese.   *   Ndonëse i arratisur nga halli, jeta në Paris për Bajram Sefajn është fatbardhësi, sepse vazhdon punën krijuese dhe realizon disa nga veprat e tij më të mira, ku bën pjesë edhe ky dorëshkrim me mbresa udhëtimi nga Portugalia, Istria, Shqipëria, Ulqini, Nju-Jorku. Me shkronjat e para të këtyre vendeve autori e ka sajuar titullin e librit “PISHUN”, që është një gjetje e thjeshtë, por e bukur, interesante dhe e veçantë, sikurse edhe përmbajtja e pesë kapitujve të librit. Kjo tregon se Bajram Sefaj është një mjeshtër i vërtetë i gjetjeve interesante të formës dhe përmbajtjes së krijimeve, një vrojtues i spikatur i veçantive dhe i trajtimit të tyre, që të gjitha shkrimet i karakterizon përkushtimi maksimal për mbresëlënie sa më efektive tek auditori. Kjo është shenja thelbësore autoriale në të gjitha llojet e shkrimeve. Duke lexuar dorëshkrimin “PISHUN” m’u kujtua një vjershë për fëmijë e Sefajt: “Letra e Donës nga Mareci” (“Rilindja për fëmijë” 22.08.1989, f. 4-5), e cila, ndonëse është një krijim artistik në vargje, mbrun elemente të udhëshkrimit: Dona shkruan letër nga fshati Marec dhe poeti sqaron: “Është ky fshat/ larg as ngat/ shtrihet lart/ shpat më shpat” dhe, në vazhdim, me gjithsej 8 fjalë, e jep  portretizimin e plotë të fshatit: “Therra, kaça/ kulumbri/ keca, edha/ dhe - shumë dhi”. Një përshkrim i plotëkuptimtë, mbresëlënës, për realitetin e fshatit. E theksuam këtë vjershë për të ilustruar pikëpamjen vetjake shkrimore të autorit, i cili di të fiksojë mbresën përmes faktesh të zgjedhura dhe domethënëse për temën që e trajton.  Prandaj, lexuesi kënaqet me rrjedhën e pastër e të pasur rrëfimtare dhe me përmbajtjen e angazhuar mësimore, që shijohet mirë dhe lehtë, pa pasur nevojë për kallauz!   Këtë lexuesi do ta vërtetojë edhe me librin “PISHUN”, që hapet me mbresat nga Lisbona, aty ku lumi Tejo derdhet në Atlantik. Autori ka në shënjestër disa porte të këtij vendi. Pse portet? Sepse profesionisti me përvojë të gjatë dhe i pasionuar për t’i eksploruar atraksionet më karakteristike të botës që na rrethon, Portugalinë e zgjedh për dy arsye: të kaluarën pak të njohur historike portugeze dhe, e dyta, sepse ky vend ndër të parat shtete të Evropës e ka njohur pavarësinë dhe sovranitetin e Kosovës. Autori e nis udhëtimin në Porto, për të vazhduar në Lisbonë, kryeqytetin e poetit më të madh portugez Fernando Pessoa, që Bajrami i Prishtinës ia ndjek hijen: e nis ditën me kafenë e mëngjesit që e pi “gju më gju me Pessoan”, mu në lokalin ku poeti Pessoa dikur e pinte kafenë e mëngjesit! Zhbirimet e këtilla, jashtëzakonisht atraktive dhe kërshëruese, për lexuesin janë të panumërta, në çdo faqe të librit, që vërtet të impresionojnë, sepse, nga mbresat e Sefajt, lexuesi ndihet sikur është duke shëtitur nëpër Lisbonë dhe duke i parë me sy bukuritë dhe pasuritë madhështore materiale e shpirtërore portugeze. Interesimeve të Sefajt nuk i shpëton as prania e shqiptarëve në kryeqytetin e Portugalisë dhe gjen Fatmir Alijajn nga Dukagjini i Kosovës dhe Filomena Maria Martins Tavares...

Ali Mehmeti, 13 shtattor 2021  Mbi çfarë parimesh po edukohet sot kombi serb?   Flet Vuk Drashkoviq, prijës i Lëvizjes për Përtëritjen Serbe, ish ministër i punëve të jashtme në Republikën Federale të Jugosllavisë (Serbi dhe Mali i Zi) dhe shkrimtar, që u shndërrua(?) nga një shovinist serb në një luftëtar të paqes dhe propagandues për përballje me krimet, në një intervistë dhënë televizionit boshnjak N1 me 8 shtator. Ai jep disa mendime interesante, edhe pse shumë i...

Skënder MULLIQI Nuk u kuptua më kohë dallimi i shtetit nga regjimet, dhe kjo e vështirësojë shumë punën në konsolidimin e tij.Mund edhe të jam gabim, por më duket mua së në këtë pikëpamje kan ndikuar edhe ideologjitë, që është e pa pranushme, kur dihet së është koha e sistemit shumë partiak pluralist.Të pranojmë së shtetin sipas kutit të...

Frank Shkreli Javën që kaloi, u shënua 30-vjetori rivendosjes së marrëdhënieve diplomatike midis Republikës së Shqipërisë dhe Vatikanit, me 7 shtator, 1991. Njëkohësisht, ky vit shënoi gjithashtu edhe 300-vjetorin e vdekjes së Papës Klementit XI me origjinë shqiptare, nga ana e babait, i njohur ndryshe si Gjon Françesk Albani (Giovanni Francesco Albani). Në Korrik janë mbajtur seminare në Romë dhe...