LËRENI CIC-MICIN, MOS NA BËNI PËRRALLË !
Deklarata koti, debate nepër ekrane, përshpëritje nëpër korridoret e klaneve dhe partive, në një kohë kur nuk prêt koha.
Foli edhe Murati, foli, si gjithmonë, me mend; nuk kam ambicje politike.
E njoh mirë Muratin: është burrë i fortë, është burrë i zgjuar, është burrë i ndershëm.
Besa edhe ka dijtë me u sjellë, ka dijtë me e ruajt Familjen dhe emrin e saj.
Tash topi është para derës së Albin Kurtit, Bedri Hamzës dhe Lumir Abdixhikut.
Nëse këta dy të fundit duan me luejt cic-mic, kryeministri Kurti duhet t’ua ndalë lojën me qëndrim konkret dhe të vendosur:
Kosova nuk ka kohë.
Bota është në udhëkryq. Krijimi i Bordit të Paqes, është një projekt në nisje. Vjosa Osmani është ftuar aty. Na ka përfaqësuar mirë.
Përfaqësimi nga një grua e shkolluar e me përvojë na nxjerrë para botës si popull të emancipuar. Prandaj është në interesin e Kosovës që asaj t’i vazhdohet mandati, por me një marrëveshje interne të qartë bashkëveprimi:
Nuk lejojmë federalizimin e Kosovës;
Nuk lejojmë që 3% t’ua imponojnë vullnetin, tekat dhe inatin e vet 97% të qytetarëve të tjerë; Sepse kjo nuk është as liri, as demokraci, por tirani;
Prandaj duhet ndryshuar Kushtetutën dhe ligjet që e mbajnë Kosovën pezull;
Pastrimin e sistemit të drejtësisë. Në çfarë gjendje dhe në duar të kujt është sistemi i drejtësisë këtë e ka nxjerrë në pah, më së miri, rasti i prokurorit Besim Kelmendi;
Futja e referendumit si kategori kushtetuese;
…
Natyrisht, këto ndryshime nuk bëhen dhe nuk duhet të bëhen pa opozitën, me të cilën kryeministri Kurti duhet të ndërtojë raporte mirëbesimi.
Aq më tepër kur e di shumë mirë se sa herë është përpjekur ta ‘lumturojë’ Kosovën, e besa edhe Shqipërinë, një subjekt i vetëm politik, ne shqiptarët kemi pësuar dhe jemi ndarë keq.
…
Të gjitha të tjerat janë lojna për të cilat Kosova nuk ka as kohë, as nevojë.
