Sinan Kastrati
Ende nuk ka kalua një muaj kur redaksia e Drinit, gjegjësisht Gjergj- Bajram Kabashi bëri thirrje publike për ndihmë Drinit.Nuk është e lehtë të mbahet një gazetë, një revistë apo portal pa ndihmën e askujt. Revista Drini asnjëherë nuk ka kërkuar kurrfarë ndihme nga askush.Nuk është aspak e lehtë me e shtri dorën e me kërkua para nga bashkëpunëtorët e Drinit, të cilët mesatarisht 1 herë në javë kanë dërgua nga një lajm, reportazh, opinion, koment nga SHBA-ja, Suedia, Gjermania, Italia e … Shqipëria ndërsa Drini i ka publikua pa pritesë dhe në kohë.Sot kur Drini ka nevojë për ndihmën tonë, ne (edhe unë) duhët ta ndihmojmë me një shumë simbilike, 50 euro, max 100, vetëm derisa të paguhet tarifa e paraparë, afro 1000, 1100 euro.Nëse shuma e paraparë për regjistrim për tri vitet e ardhsme nuk paguhet deri në mes të marsit, në fund të muajit mars, Drinin nuk do të mund ta lexojmë, Drini nuk do të dalë.Drini, ky emër simbolik i Drinit të Bardhë, Drini.us nëse nuk del, është sikur të ndalej rrjedha e lumit Drin. E nëse ndalet rrjedha e Drinit të Bardhë, është sikur ti thehet njëra dorë e Drinit. Në Kukës do të vije e vetme, vetëm rrjedha e Drinit të Zi, pa vëllain nga Kosova, Drinin e Bardhë. Shqipëria do të ketë dritë më pakë e tokat e punës, do të kenë më pakë bereqet.Lus të gjithë lexuesit, miqtë e bashkëpunëtorët e Drinit, të tregohemi solidarë kësaj radhe, nëse e duam Drinin.Faleminderit të gjithëve!
___
Sinan Kastrati, SuediMalmö, 25 shkurt 2024sinankastrati09@hotmail.com
