Basri Beka, duke folur me 6 Maj 2024 para përmendores së Gjergj Kastriotit
Prishtinë, me 6 Maj 2024
Të nderuar bashkombës të mi, Zonja e Zotrinj, Sot, me një zemër të ngrohtë dhe respekt të thellë, jemi të tubuar për të festuar ditëlindjen e një nga figurat më madhështore të historisë sonë kombëtare, Gjergj Kastriotit.
Gjergj Kastrioti dhe emri i tij janë një mrekulli që i ndodhi këtij populli. Ky tubim madhështor për nder të tijë tregon për mrekullinë e tij, sepse ai ishte një udhëheqës i madh që me guximin dhe vendosmërinë e tij bëri të pamundurën të bëhet e mundur. Sot në këtë fest të madhe duhet të reflektojmë mbi trashëgiminë e madhe që na la ai. Ai na mësoi se asnjë sfidë nuk është e pamundur për ata që kanë vullnetin dhe besimin për të arritur lirinë, drejtësin dhe dinjitetin.
Sot po nderojm jetën dhe veprën e Skënderbeut me krenari dhe respekt të paçmueshëm. Sepse Emri i tij ruan një forcë të veçantë që na frymëzon të gjithëve. Ptandaj: Sot, ashtu si para 580 vjetësh në Lezhë, jemi mbledhur pa dallim krahina dhe feje të gjithë shqiptarët për të festuar ditëlindjen e të madhit Skënderbe, dhe për të përçuar mesazhin se ne shqiptarët jemi krenar me identitetin tonë kombëtar dhe evropian, me kulturen tonë perendimore.
Prandaj, nga ky takim, bëjmë thirrje Këshillit të Evropës që të pranojë Kosovën në mesin e saj, sepse ne jemi trashëgimtarët dhe mbrojtësit e qytetërimit dhe kulturës perëndimore, testament që na e la trashëgim i shenjti Skënderbeu.
Prandaj, unë i nxitur nga vullneti dhe dashuria e pafund, më lejoni që sot, më 06 Maj 2024, në praninë Tuaj dhe në emrin tim e Tuajin, këtu në Dardaninë antike, të drejtohemi Kreut të Selisë së Shenjtë në Vatikan, Papa Françeskut, me KËRKESË PËR SHPALLJEN E KRYEZOTIT TË ARBËRISË, GJERGJ KASTRIOTI – SKËNDERBEUT, SHENJTOR MBROJTËS TË SHQIPTARËVE DHE TË EVROPËS.
I nderuar Papa Françesku, Duke pasur parasysh faktin se Gjergj Kastrioti ishte mbrojtës i qytetërimit dhe humanizmit perëndimor, mbrojtës i krishterimit, i shpallur nga Selia e Shenjtë dhe Atlet i Krishtit, kërkojmë që ai të shpallet i shenjtë. Unë, Basri Beka, qytetar i lirë i Republikës së Kosovës, me respekt dhe përulësi, dëshiroj të dëshmoj për mrekullitë dhe ndikimin e Gjergj Kastriotit – Skënderbeut në jetën time dhe në historinë e popullit tim.
1. Unë dëshmoj mrekullin e Gjergj Kastriotit në jetën time. Në një kohë kur isha i pa liri, i kufizuar dhe i pa shpresë, dëshiroja të ikja nga atdheu im për të shpëtuar nga represioni i rëndë serb. Por, emri i Gjergj Kastriotit mbajti gjallë zjarrin e shpresës në zemrën time. Hiri i tij më ndihmoi të mbijetoj, të mbetem i pa asimiluar dhe të shijoj lirinë.
2. Unë dëshmoj se si luftëtar i lirisë në radhët e Ushtrisë Çlirimtare të Kosovës, emri dhe trashëgimia e Gjergj Kastriotit më dhanë fuqi dhe shpresë për të qëndruar dhe për të rezistuar në kohën më të vështirë.
3. Dëshmoj nga rrëfimet e të afërmve të mi – babait, gjyshit dhe stërgjyshit – se si populli ynë shqiptar mbijetoi dhe ruajti gjuhën, kulturën dhe identitetin tonë përmes vështirësive të mëdha historike. Emri dhe trashëgimia e Gjergj Kastriotit ishin një burim i padiskutueshëm i frymëzimit dhe mbështetjes për ne gjatë këtij rrugëtimi. Me këtë kërkesë, unë shpreh dëshirën time dhe të miliona shqiptarëve anekënd botës, që mbrojtësi i qytetërimit dhe humanizmit perëndimor, Gjergj Kastrioti, të shpallet shenjtor nga Selia e Shenjtë – si një shenjtor i shqiptarëve që ka frymëzuar dhe udhëhequr popullin tonë në rrugën drejt lirisë dhe vetëdijesimit të identitetit tonë kulturor e kombëtar.
Me respekt e mirënjohje të thellë, Basri Beka Qytetar i Kosovës Faleminderit zoti e bekoft të shenjtin Skenderbe, zoti e bekoft popullin Shqiptar.
Shih videon:
