Fadil Maloku, sociolog nga Prishtina
___
Me heshtjen (abstenim) mortore dhe me qëndrim (votim)”delesh” edhe në seancën e sotme të 22(!?), Ju faktikisht, (pa dallime partiake!), po e ri dëshmoni se; fare nuk e keni merituar votën tonë!? Ja po u jap vetëm tri arsye, nga i gjithë boshllëku i arsyeve; �
Arsyeja e parë dhe kryesore, sepse shumica nga Ju që (jo) rastësisht keni zënë një ulëse në aulën e Kuvendit, as që e keni në fokus idenë se përse po votoni apo po abstenoni. Ju, deputetët me qëndrim “delesh”, pra me pozicione abstenuese, fare s’jeni kah e kuptoni se jeni shndërruar në figura shahu të “shefit” Tuaj dhe po i shërbeni grupeve të interesit që po fshihen prapa! Dhe se në ato ulëse (të shenjta) Ju të tjerët që me indiferencën dhe aprovimin e vendimeve “unanime” përmes “gishtave”, veç sa po ri dëshmoni se nuk jeni vetja e Juaj;
� Arsyeja e dytë, sa po mund të shihet nuk “banon” edhe aq te “gishtat” e Tuaj, sa te sistemi (korruptues) zgjedhor që Juve (jo)meritorëve u mundësoj që bashke me sovranin të katapultoheni në aulën e institucionit më të rëndësishëm në Republikën e Kosovës. Katapultë kjo, që disave prej Jush u nxori nga vala e anonimitetit social, ai intelektual e politik e u shndërroj në persona (VIP-a) me “peshë të lartë specifike”. Me të vetmin qëllim që të shpejtoni krijimin e institucioneve shtetërore dhe kështu të hapni rrugë për ta materializuar fatin, synimet dhe ambiciet e gjeneratave të reja që duhet ta rrumbullakojnë procesin e shtet ndërtimit;
�Arsyeja e tretë, që mendoj se po u rëndon (si “shpata e Demokleut”) mbi supet Tuaja, ka të bëjë me aktin dhe faktin që Ju; ose s’po e kuptoni, ose s’po doni ta kuptoni barrën dhe rëndësinë që e keni marrë përsipër për të artikuluar e avokuar interesin e shtetit në këto kohëra të zymta.
Ta dini se papërgjegjësia e Juaj (që identifikohet përmes abstenimit) bashkë me indolencën (që hetohet përmes “disiplinës” për të votuar si në kor!) që u është amputuar artificialisht në ndërgjegje, se duhet t’i shërbeni vetëm; partisë, klanit, grupit, ideologjisë, e jo shtetit ka me u zhveshë tërësisht nga e drejta e votës sonë në zgjedhjet në horizont..
Andaj, kuptoni që “gishtat”, bashkë me abstenimet Tuaja, për këto 22 seanca rresht vetëm sa po zhvlerësojnë e zbehin besimin tonë për votën qe u kemi dhënë!
***
P.S.
Hapni sytë e ndërgjegjësohuni, se durimit tonë po i vjen fundi!
